Մազերի առողջությունն ու գեղեցկությունն ամբողջովին կախված է սննդակարգից. tert.am

Սպիտակ մազերը կանանց ամենից շատ հուզող խնդիրներից է, սակայն մաշկաբան տրիխոլոգ Սառա Էլիսոնի կարծիքով` դա սխալ սննդակարգի արդյունք է:

Ինչպես գրում է  meddaily.ru-ն` The Daily Mail-ին հղումով, միայն կոսմետիկ միջոցներով հնարավոր չէ վերացնել սխալ սննդակարգի հասցրած խանգարումները: Այդ իսկ պատճառով մազերի բուժումը պետք է սկսել արյան հետազոտությունից և սննդակարգի կարգավորումից:

Առողջ մազեր ունենալու համար անհրաժեշտ է սպիտակուցներով, շաքարով, վիտամիններով և հանքանյութերով հարուստ սնունդ օգտագործել: Ընկույզն, իր հերթին, կարող է կանխել սպիտակ մազերի հայտնվելը: Այն մեծ քանակությամբ վիտամին Е, խոնավեցնող օմեգա-ճարպեր է պարունակում: Ընկույզը նաև պղինձ է պարունակում, որն անհրաժեշտ է մազերի գույնն ապահովող մելանին արտադրելու համար: Հենց պղնձանյութի պակասն է հանգեցնում սպիտակ մազերի վաղաժամ հայտնվելուն:

Մասնագետները խորհուրդ են տալիս ուշադրություն դարձնել նաև կինոային, որն ամինաթթուների հարուստ աղբյուր է և ներառվում է բազմաթիվ շամպունների բաղադրության մեջ:

Բարակ մազերն ու դրանց թափվելը կարող է պայմանավորված լինել երկաթի պակասով: Իհարկե, երկաթի լավագույն աղբյուրը կարմիր միսն է, սаկայն ոսպը ևս լավ արդյունք է տալիս:

Գլխամաշկի չորությունը ցինկի պակասի արդյունք է: Այն անհրաժեշտ է մաշկի խոնավեցման և սնուցման համար: Ցինկով հարուստ են ծովախեցգետինը, օմարը և դդմի սերմերը: Իսկ եթե մազերի ծայրերը հաճախ են ճյուղավորվում, անհրաժեշտ է հաճախ օգտագործել կարմիր պղպեղ, նարինջ, ելակ, լոլիկ և բրոկոլի:

Հարցեր, պատասխաններ, մեկնաբանություններ