Սուրճը նվազեցնում է ալկոհոլի վնասակար ազդեցությունն օրգանիզմի վրա. tert.am

Քաղցկեղի դեմ պայքարի համաշխարհային հիմնադրամի (WCFR) մասնագետները պնդում են, որ սուրճի օգտագործումը նվազեցնում է ոգելից խմիչքի կործանարար ազդեցությունը և 14 տոկոսով նվազեցնում լյարդի քաղցկեղի առաջացման վտանգը:

Ինչպես գրում է Корреспондент-ը` Daily Mail-ին հղումով, գիտնականներն ուսումնասիրել են 8.2 մլն մարդու բժշկական տվյալները, որոնցից շատերը լյարդի քաղցկեղ են ունեցել: Փորձի ընթացքում պարզվել է, որ հիվանդության առաջացման վտանգը պայմանավորված է ո՛չ միայն հիվանդի քաշով և օրական սպառած ալկոհոլի քանակով, այլ նաև նրա կենսակերպով և սննդակարգով:

Ձկնեղենի և սուրճի սիրահարներն առավել քիչ են հակված քաղցկեղով հիվանդանալուն: Այսպիսով, գիտնականների գնահատումամբ` սուրճի մեկ չափաքանակը կարող է 14 տոկոսով նվազեցնել լյարդի քաղցկեղի առաջացման վտանգը: Միևնույն ժամանակ, գիտնականները նշում են, որ 4 բաժակից ավելի սուրճի օգտագործումը չի  ավելացնում դրական ազդեցությունը, այլ կարող է վնասել օրգանիզմին:

Հարցեր, պատասխաններ, մեկնաբանություններ