Նոր վզնոցն ահազանգում է չափից ավելի սնվելու դեպքում (լուսանկար). tert.am

Ամերիկացի գիտնականները յուրահատուկ վզնոց են ստեղծել, որի հիմնական առաքելությունն օգտատիրոջ սննդակարգին հետևելն է:

Ինչպես նշում է dailymail.co.uk-ը, Կալիֆոռնիայի համալսարանի մասնագետների ստեղծած «խելացի» սարքը հետևում է այն ամենին, ինչն անցնում է օգտատիրոջ կերակրափողով: Եվ եթե նա դրսևորում է որկրամոլության նշաններ, վզնոցը հատուկ ազդակ է ուղարկում:

WearSens կոչվող սարքն իրենից ներկայացնում է մետաղական օղակ, որը համալրված է հատուկ զգայակներով: Ամեն անգամ, երբ օգտատերն ուտում կամ խմում է, սարքը թրթռում է:

Բացի այդ, այն կապված է սմարթֆոնի համար նախատեսված հատուկ հավելվածին, որն ահազանգում է չափից ավելի սնվելու դեպքում:

Հարցեր, պատասխաններ, մեկնաբանություններ