Ֆինանսական խնդիրները կարող են հանգեցնել սննդային վարքագծի խանգարումների. news.am

Սաութհեմփթոնի համալսարանի գիտնականները անմիջական կապ են հայտնաբերել նյութական բարեկեցության եւ սննդային վարքագծի միջեւ: Պարզվում է՝ ֆինանսական խնդիրները հանգեցնում են սննդային վարքագծի խանգարումների:

Վերոհիշյալ համալսարանի գիտնականների կազմակերպած գիտափորձին մասնակցել է 400-ից ավել ուսանող: Նրանք պատմել են իրենց ընտանիքների նյութական վիճակի եւ ֆինանսական խնդիրների մասին (օրինակ, պարտքերի): Այնուհետեւ թեստ են անցել, որը կոչված էր  պարզել նրանց վերաբերմունքը սննդի եւ սնվելու նկատմամբ:

Հետազոտությունը ցույց տվեց, որ ֆինանսական խնդիրները իսկապես բացասաբար են ազդում ուսանողուհիների սննդային վարքագծի վրա: Նրանց բացասական վերաբերմունքը սննդի նկատմամբ, մեղքի զգացումը ուտելուց հետո եւ մի շարք այլ յուրահատկություններ շատ հաճախ պայմանավորված էին ֆինանսական խնդիրներով:

Գիտնականների խոսքով՝ ստացվում է յուրահատուկ փակ շղթա: Բացասական վերաբերմունքը սննդի նկատմամբ հանգեցնում է նյոթական խնդիրներին, իսկ այդ խնդիրներն իրենց հերթին էլ ավելի են ուժեղացնում այդ բացասական վերաբերմունքը: Գիտնականները կարծում են, որ սննդային վարքագծի խախտումներ ունենալուն հակված մարդիկ զգում են, որ կորցնում են վերահսկողությունը իրենց կյանքի ֆինանսական բաղադրիչի նկատմամբ եւ ձգտում են սահմանափակվել սննդի հարցում՝ կյանքի մնացած ոլորտները վերահսկելու համար: 

Մասնագետները ուսումնասիրել են նաեւ սոցիալ-տնտեսական կարգավիճակի եւ սննդի հանդեպ վերաբերմունքի միջեւ եղած կապը: Բացասական վերաբերմունքը սնվելու նկատմամբ առավել հաճախ հանդիպում էր անապահով ընտանիքները ներկայացնող աղջիկների մոտ: Իսկ ահա տղամարդկանց մոտ ֆինանսական խնդիրների եւ մարսողական խանգարումների միջեւ անմիջական կապ հայտնաբերել չհաջողվեց:

Հարցեր, պատասխաններ, մեկնաբանություններ