Ալկոհոլի չափավոր սպառումն օգտակար է, բայց ոչ բոլորի համար. tert.am

Ալկոհոլային խմիչքների չափավոր օգտագործումը կարող է պաշտպանել սրտի իշեմիկ հիվանդությունից, սակայն միայն կոնկրետ գենի տեսակ ունեցող մարդկանց՝ ամբողջ բնակչության մոտավորապես 15%-ի պարագայում: Այս մասին հաղորդում է Meddaily.ru-ն՝ հղում կատարելով zeenews.india.com-ին:

Գետեբորգի համալսարանի անցկացրած հետազոտություններին սրտի իշեմիկ հիվանդությամբ տառապող 618 հիվանդ և 3000 առողջ մարդ է մասնակցել:

Նրանք մասնակիցներին ենթախմբերի են բանժանել ըստ ալկոհոլի օգտագործման չափաբաժնի և փորձել գտնել CETP TaqIB տեսակի գենը, որը պատասխանատու է ալկոհոլի թողած դրական ազդեցության համար:

Գիտնականները պարզել են, որ ինքնին ալկոհոլի օգտագործումը, ինչպես նաև՝ միայն տվյալ գենի առկայությունն ուժեղ պաշտպանիչ ազդեցություն չի ունենում, ինչը չի կարելի ասել դրանց համադրության պարագայում: 

Հարցեր, պատասխաններ, մեկնաբանություններ