Հայտնի են քաղցկեղից պաշտպանող լավագույն մթերքները. 1in.am

Գիտական բժշկության վերջին տարիների հետազոտություններն առավելապես միտված են քաղցկեղի հետազոտման ու դրա կանխարգելման նորանոր միջոցների հայտնաբերմանը: Բրիտանացի գիտնականներն էլ են իրանց ուսումնասիրություններն ուղղել դեպի այս ոլորտ:

Նրանք ուղիղ կապ են գտել պոլիֆենոլով հարուստ սննդամթերք օգտագործելու և քաղցկեղի որոշ տեսակների սպառնալիքը նվազեցնելու մեջ,  այդ թվում՝ շագանակագեղձի, ձվարանների, կրծքագեղձի, ենթաստամոքսային գեղձի, մարսողական ուղղու և  մաշկի,- փոխանցում է glianec.com.ua-ը:

Պոլիֆենոլները բուսական պիգմենտներ են, որոնք հզոր հակաօքսիդանտներ են և պաշտպանում են ԴՆԹ-ի բջիջները թթվայնությունից և քաղցկեղածին ազդակների գործունեությունից: Այդ նյութերը խափանում են օրգանիզմում քաղցկեղի տարածումը:

Բրիտանացի գիտնականների աշխատանքը գիտական առաջին ապացույցն է այն մասին, որ սննդամթերքը կարող է տղամարդուն պաշտպանել շագանակագեղձի քաղցկեղից:

Քաղցկեղի դեմ բուժում ստացած կամավորներին խնդրել են իրենց սննդակարգի մեջ նռան հյութ, կանաչ թեյ, բրոկոլի ներառել: Վեց ամիս անց կատարված հետազոտությայն արդյունքները վկայել են, որ քաղցկեղային սպիտակուցի քանակը նրանց օրգանիզմում նվազել է 63 տոկոսով:

Բացի վերը նշված մթերքներից` մեծ քանակությամբ պոլիֆենոլ են պարունակում խաղողը, շոկոլադը, թեյը, խնձորը, մասուրը:

Հարցեր, պատասխաններ, մեկնաբանություններ