Գիտնականները այնպիսի արտադրանք են գտել, որը հնարավորինս պարզեցնում է մարզումներից հետո վերականգնման խնդիրը. tert.am

Շոկոլադե կաթը սպորտային խմիչքներից ավելի արդյունավետ է արագացնում վերականգնման գործընթացը լողորդների մոտ: Այս փաստն ապացուցել են ԱՄՆ-ում սպորտի բժշկության քոլեջի մասնագետները: Այս մասին հաղորդում է Meddaily.ru-ն՝ հղում կատարելով Daily Digest News-ին:

Աղբյուրի տեղեկացմամբ՝ փորձարկմանը մասնակցած լողորդներին հաջողվում էր մոտ 200 մետր տարածություն հաղթահարելու պարագայում 2.1 վայրկյանով արագացնել լողի ընթացքը, եթե նրանք նախապես շոկոլադե կաթ էին խմում:

Ինդիանայի համալսարանից Ջոել Ստեյջերի խոսքով՝ կաթը ինտենսիվ մարզումներից հետո հիանալի կերպով վերականգնում է մարմինը:

Ածխաջրերի և սպիտակուցների հարաբերակցությունը շոկոլադե կաթի մեջ իդեալական է: Այն անվտանգ և մատչելի այլընտրանքային սպորտային խմիչք է:

Հարցեր, պատասխաններ, մեկնաբանություններ