Դիմահարդարներն արգանակը մաշկի ծերացման դեմ պայքարող միջոց են համարում. tert.am

Տավարի ոսկորից կամ ոչխարի ոտքերից պատրաստված արգանակը ամերիկյան կոսմետոլոգների կողմից ճանաչվել է որպես հակատարիքային հինալի միջոց: Այս մասին հաղորդում է Росбалт.ru-ն՝ հղում կատարելով Kedem.ru-ին:

Հոլիվուդյան հայտնի աստղերի հետ աշխատող դիմահարդար Ջուլիա Մարչը դեմքի կնճիռներից կամ կարմրությունից բողոքող իր հաճախորդներին խորհուրդ է տալիս արգանակ խմել:

«Իմ հաճախորդները մաշկի ավելի քիչ բորբոքումներ և անհամեմատ ավելի փայլուն ու ձգված դեմք են ունենում, եթե արգանակ են խմում: Այն երիտասարդացնում և միևնույն ժամանակ՝ բուժում է», -նշել է Ջուլիան:

Ջուլիա Մարչն առաջարկում է օրական մինչև երեք բաժակ արգանակ խմել, որպեսզի բարելավվի դեմքի գույնը: Արգանակը պետք է պատրաստվի մի քանի ժամվա ընթացքում՝ քացախի հավելմամբ, որն օգնում է ոսկորներից «քաշել» կարևորագույն հանքանյութերը:

Այս մեթոդի կողմնակիցները պնդում են, որ արգանակն օգնում է բարելավել դեմքի գույնը՝ շնորհիվ իր մեջ պարունակվող բնական կոլագեն-սպիտակուցի, որը մաշկին տոկունություն ու ամրություն է հաղորդում:

Հարցեր, պատասխաններ, մեկնաբանություններ