Բրիտանացի գիտնականները գտել են քրոնիկ հոգնածության համախտանիշի դեմ «դեղամիջոցը»

Բիրտանացի գիտնականները խորհուրդ են տալիս ամեն օր մեկ կտոր շոկոլադ ուտել: Պրոֆիլակտիկ նկատառումներով պետք է ընտրել կակաոյի բարձր պարունակությամբ սև շոկոլադ: Սև շոկոլադում մեծ թվով պոլիֆենոլներ են պարունակվում:

Այս միացությունները դրական են ազդում անոթապատերի վրա, հակաօքսիդանտի ազդեցություն ունեն, ամրացնում են իմուն համակարգը:

Լոնդոնի Արքայական համալսարանի գիտաշխատողները սեւ շոկոլադի մեկ այլ օգտակար հատկություն են բացահայտել: Պարզվում է, որ քաղցրավենիքը պայքարում է քրոնիկ հոգնածության համախտանիշի դեմ. վերացնում է անզորության զգացումը, էներգիայի պակասը, հյուծվածությունն ու քնկոտությունը, հաղորդում է «ԵվրոՍՄԻ»-ն:

Հոգնածության դեմ շոկոլադի ազդեցությունը ստուգելու համար մասնագետները 10 կամավորների մասնակցությամբ փորձ են անցկացրել: Նրանք երկու ամիս «բուժվում էին» այդ սխեմայի համաձայն՝ ուտելով օրը երեք անգամ մեկ կտոր շոկոլադ (շոկոլադե սալիկի 1/6 մասը): Շոկոլադե թերապիայից հետո պարզվել է, որ բարելավվել է մասնակիցների ինքնազգացողությունը, ակտիվացել է մտավոր ու ֆիզիկական աշխատունակությունը: Սակայն փորձագետները նախազգուշացնում են, որ պետք չէ չարաշահել:

Հարցեր, պատասխաններ, մեկնաբանություններ