Կոֆեինի օգտագործումը պետք է սինքրոնացնել «ներքին ժամացույցի» հետ

Շատերը չեն կարող պատկերացնել իրենց վաղ առավոտը առանց մի բաժակ սուրճի: Սակայն մասնագետների կարծիքով ըմպելիքի օգտագործման ամենալավագույն ժամանակահատվածն է 9:30 - 11:30, գրում է The Telegraph-ը:

Պատճառն այն է, որ կոֆեինը փոխազդում է կորտիզոլ հորմոնի հետ, որն օգնում է կարգավորել «ներքին ժամացույցը» եւ ուժեղացնել ուշադրությունը:

Կորտիզոլի պարունակությունը ինքնին բարձր է արթնանալուց հետո: Այն բարձր է մնում դեռեւս մեկ ժամվա ընթացքում: Պիկն առավոտյան 8:00-9:00 ընկած ժամանակահատվածն է:   Մասնագետները խորհուրդ են տալիս սուրճն ըմպել, երբ կորտիզոլի էքսպրեսիայի պիկն անցնի: Այս մասին հաղորդում է MedDaily.ru-ն:

Կորտիզոլը մեծ քանակությամբ արտադրվում է սթրեսի ժամանակ, այն օգնում է էներգետիկ ռեսուրսները գլյուկոզայի վերածել, որը կարող է օգտագործվել բջիջների կողմից:

Սուրճի օգտագործումը պետք է սինքրոնացվի նաեւ մարդու քնելու ժամի հետ:

Հարցեր, պատասխաններ, մեկնաբանություններ