Ճարպ պարունակող մթերքներ, որոնք օգնում են պայքարել ավելորդ քաշի դեմ

Վերջերս իրականացված հետազոտությունը ցույց է տվել, որ գոյություն ունեն բարձր կալորիականություն ունեցող մթերքներ, որոնք օգտակար են նույնիսկ նրանց համար, ովքեր ցանկանում են նիհարել: Իրականում ավելորդ քաշի հիմնական պատճառը շաքարն է, գլյուտենը և քիմիական նյութերը:

Օգտակար ճարպային մթերքի վառ օրինակ է կոկոսի յուղը:

Հետազոտությունները ցույց են տվել, որ երկարաշղթա ճարպային թթուները միջին երկարության ճարպային թթուներով փոխարինելը արագացնում է նյութափոխանակությունը և օգնում այրել հավաքված ճարպը: Կոկոսի յուղն օգտակար է նաև շաքարի մակարդակն իջեցնելու համար, ինչն էլ քաշ կորցնելու կարևոր պայմաններից է:

Ավոկադոյում գտնվող ճարպերը նպաստում են շաքարի մետաբոլիզմին, ինչպես նաև երկար ժամանակ քաղցի զգացողություն չունենալուն: Ձիթապտղի յուղը նպաստում է ճարպերի «հալվելուն» և երկար ժամանակ հագեցվածության զգացողություն ունենալուն: Ընկույզները և արևածաղիկն օգնում են պայքարել սովի դեմ, ինչպես նաև արյան մեջ կայունացնում են շաքարի մակարդակը: Հատկապես օգտակար են արևածաղկի և դդմի կորիզները, հաղորդում է Raut.ru-ն:

Հարցեր, պատասխաններ, մեկնաբանություններ