Մթերքներ, որոնք բացասաբար են անդրադառնում եղունգների ու մազերի վրա

Ոչ ոքի համար գաղտնիք չէ, որ սննդի մեջ օգտագործվող մթերքները անմիջական ազդեցություն են թողնում առողջության վրա: Հետազոտողներն ընդհանրացրել են այն մթերքների տվյալները, որոնք բացասաբար են անդրադառնում մազերի ու եղունգների վիճակի վրա: Առաջին հերթին խնդրահարույց, կոտրվող եղունգների ու ճյուղավորված մազերի դեպքում հարկավոր է հրաժարվել սնդիկի մեծ պարունակություն ունեցող ձկնատեսակներից: Հենց այն կարող է մազերի թափվելու պատճառ հանդիսանալ: Այդ ձկնատեսակներին են պատկանում թրաձուկը, սկումբրիան և թյունոսի որոշ տարատեսակներ: Շաքարավազը ևս վնասակար է մազերի ու եղունգների համար: Արյան մեջ դրա մակարդակի ավելացումը կարող է նպաստել մազերի ֆոլիկուլների նվազմանը: Սպիտակ հացը, մակարոնեղենը և խմորեղենը նման արձագանք են առաջացնում օրգանիզմում: Հետազոտությունը ցույց է տվել, որ բարձր գլիկեմիկական պարունակությամբ սննդամթերքները նույնպես կարող են մեծացնել անդրոգենների մակարդակը, հայտնում է 1in.am-ը:

Վիտամին A-ի չափից ավել լինելը նույնպես կարող է նպաստել մազերի թափվելուն: Սպիտակուցի պակասը ևս կարող է վատ անդրադառնալ եղունգների ու մազերի վրա, քանի որ դրանք բաղկացած են հենց սպիտակուցից:

Հարցեր, պատասխաններ, մեկնաբանություններ