Կարտոֆիլի ֆրին ավելի օգտակար է, քան բանջարեղենը. գիտնականներ

Իտալացի գիտնականները պարզել են, որ այն վտանգն ու վնասակարությունը, որը վերագրվում է կարտոֆիլի ֆրիին, իրականում չափազանցված է` հաղորդում է Medicforum-ը: 

Գիտնականներին հետաքրքրել է կարտոֆիլի յուրացումը յուղում` ջերմային մշակումից հետո: 

Համաձայն դիետոլոգների՝ հենց յուղի առատությունն է, որ օրգանիզմին վնաս է պատճառում: Իտալացիները համեմատել են կարտոֆիլի՝ յուղ կլանելու ունակությունը այլ մթերքների նմանատիպ հատկությունների հետ: 

Պարզվել է, որ դդմիկն ու սմբուկը, որոնց օգուտի մասին հնարավոր է կարդալ դիետոլոգիական յուրաքանչյուր հրատարակությունում, ներծծում են շուրջ 30% ձիթայուղ, իսկ կարտոֆիլն ու պիցցան՝ ընդամենը 5%: Յուղի ներծծմանը խոչընդոտում է օսլան, որը պարունակվում է կարտոֆիլում: 

Նշենք, որ Բիրմինհեմի համալսարանի գիտնականները պարզել են, որ կարտոֆիլի ֆրին բարձրացնում է մարդկանց տրամադրությունը, նրանց դարձնում կենսուրախ ու հանգիստ: Բացի այդ՝ շատերի մոտ կարտոֆիլը ասոցացվում է տոների ու հանգստի հետ: 

Հարցեր, պատասխաններ, մեկնաբանություններ