Նախաճաշից առաջ ֆիզիկական վարժություններն օգնում են նիհարել

Առավոտյան ուտելուց առաջ կանոնավոր ֆիզիկական վարժությունները մարդուն հնարավորություն են տալիս օրվա ընթացքում պահպանել լավագույն ֆիզիկական վիճակ, օգնում են իջեցնել քաշը` նշում են Հարվարդի բժշկական դպրոցի գիտնականները:

Այսպիսի ռեժիմով մարզվելը շատ օգտակար է սրտանոթային համակարգի համար, քանի որ նշանակալիորեն նվազեցնում է զարկերակների պատերին խոլեստերինի առաջացումը` այսպիսով՝ նվազեցնելով ինֆարկտի և ինսուլտի ռիսկը:

Գիտնականները 200 հոգանոց 3 խումբ են կազմել: Առաջին խումբը 3 ամիս շարունակ կանոնավոր կերպով 30 րոպեից մինչև 1 ժամ մարզվել է նախքան նախաճաշելը: Երկրորդ խումբն ուտելուց հետո է մարզվել: Երրորդ խումբն ընդհանրապես չի մարզվել:

Պարզվել է, որ առաջին 2 խմբերի ներկայացուցիչները կարողացել են զգալիորեն լավացնել իրենց ֆիզիկական վիճակը և կրճատել ճարպի քանակությունն օրգանիզնում: Առաջին խմբի անդամները միջինը 33%-ով ավելի շատ ճարպ են կորցրել, քան երկրորդինը:

Առաջին խմբի անդամների զարկերակների պատերին խոլեստերինի առաջացման վտանգը 50%-ով ավելի պակաս է եղել, քան երկրորդ խմբի:

Հարցեր, պատասխաններ, մեկնաբանություններ