Կյանքի երկարացման համար հայտնաբերվել է քաղցի բավարարման այլընտրանքային տարբերակ

Ինչպես հայտնի է կալորիաների պակասը, որոշ կենդանիների վրա դրական է ազդում` երկարացնելով նրանց կյանքը: Բայց ինչպես ցույց է տալիս մկների վրա կատարված փորձը, նույն ազդեցությունն է թողնում նաև հատուկ հորմոնի մեծ քանակությամբ ներարկումը: Այն սովորաբար արտադրվում է քաղցած լինելու ժամանակ։ Այս մասին հայտրարում են Տեխասի համալսարանի Հարավ-արևմտյան բժշկական կենտրոնի մասնագետներ Սթիվեն Քլիվերը և Դևիդ Մանգելսդորֆը:

Գիտնականները պարզել են, որ քաղցած մնալու կարիք բոլորովին չկա: Տվյալ հորմոնն ունի նաև մարդը: FGF21-ը մարդկանց կարող է նվիրել երկար տարիների կյանք: Հորմոնը գործում է՝ ազդելով քիմիական ուղիների վրա, ինչպիսք են, օրինակ, ինսուլինանման գործոնի ուղիները, որոնք գործի են դրվում ծերացման ընթացքում:

FGF21–ն արգելափակում է աճի հորմոնը, որը կապված է նաև քաղցկեղի, նյութափոխանակության խանագարումների հետ: 

Ի դեպ, հորմոնն արդեն փորձարկվել է նյութափոխանակության խախտումներ ունեցող հիվանդի վրա:

Հարցեր, պատասխաններ, մեկնաբանություններ