Շոկոլադը ազդում է մարդու ուղեղի վրա` ինչպես ափիոնը. ամերիկացի գիտնականներ

Շոկոլադի ձգողության ուժի գաղտնիքն այն է, որ այն մարդու ուղեղի վրա ազդում է ափիոնի նման: Նման եզրակացության են եկել Միչիգանի համալսարանի գիտնականները: Այս մասին հաղորդում է The Daily Telegraph-ը:

Փորձի ընթացքում հետազոտողները պարզել են, որ շոկոլադի օգտագործումը նպաստում է օրգանիզմի կողմից բնական քիմիական միացության՝ Էնկեֆալինի արտադրման մեծացմանը, ինչը մարդու մոտ էյֆորիա է առաջացնում: 

«Պարզել ենք, որ ուղեղի վրա շոկոլադի ազդեցության մեխանիզմը նման է այն գործընթացին, որով ազդում է ափիոնը»,- բացատրել է հետազոտության ղեկավար, պրոֆեսոր Ալեքսանդրա Դի Ֆելիչիանտոնիոն:

Ամերիկացի գիտնականները չեն առաջարկում քաղցրակերներին բուժել նույն մեթոդներով, որով բուժում են թմրամոլներին: Նրանք կոչ են անում կամքի ուժ ցուցաբերել քաղցրից կախվածությունը հաղթահարելու համար:

Հարցեր, պատասխաններ, մեկնաբանություններ