Ամերիկացի գիտնականները կարծում են, որ առողջությունը պահպանելու համար պետք է սնվենք մեր նախնիների նման

Մինչ աշխարհում 1980-ից իր վեր ճարպակալությամբ տառապողների թիվն ավելացել է ավելի քան երկու անգամ, ԱՄն-ում գնալով ավելի է ճանաչվում այսպես կոչված «պալեոդիետան»: Այն եկել է «Պալեոորոշում: Մարդկության սկզբնական ճաշացանկը» գրքից, որի հեղինակն ամերիկացի բիոքիմիկ Ռոբբ Վոլֆն է: Նա առաջարկում է սնվել պալեոլիթի դարում ապրած մարդկանց նման` մսով, ձկով, մրգերով, բանջարեղեններով, միջուկներով, քանի որ մարդը, նրա կարծիքով, գենետիկորեն ավելի հարմարված է այսպիսի սննդի: Դրա հետ մեկտեղ, հարկավոր է ճաշացանկից բացառել աղը, շաքարը, հատիկավոր, պատիճավոր, կաթնային սննդամթերքները և զտված յուղերը:

«Պալեոդիետայի» 42-ամյա ուսումնասիրող Շոն Բելիվոն լրագրողներին ասել է, որ ինքը, օգտվելով այդ դիետայից, 5 ամսում նիհարել է 50 ֆունտով (22,6 կգ):

Վոլֆի խոսքով` դիետան դրականորեն է ազդում 2-րդ տիպի շաքարային դիաբետով հիվանդների և սրտային հիվանդությամբ տառապողների վրա:

Դիետոլոգ Դեբորա Ջեֆրին հերքում է այս տվյալները` պնդելով, որ ցորենը և երիպտացորենը չեն վնասում առողջությունը:

Սննդի ոլորտի այլ մասնագետներ պնդում են, որ Վոլֆի մշակած դիետան կարող է հիմք լինել նրանց համար, ովքեր ուզում են առողջ ապրելակերպ վարել: Սակայն նրանք նշում են, որ դժվար է երկար ժամանակ դրան հետևել, քանի որ դրանով շատ մթերքների օգտագործումն արգելված է:

Հարցեր, պատասխաններ, մեկնաբանություններ