Դեղին պիգմենտ պարունակող սննդամթերքն օգտակար է աչքերին

ԱՄՆ-ի Վիսկոնսինի համալսարանի գիտնականներն ուսումնասիրել են աչքերի հիվանդությունների զարգացման կանխման հարցում դեղին գույնի սննդամթերքի հատկությունները։ Պարզվել է, որ մեծ քանակությամբ դեղին պիգմենտ (լյուտեին և զեաքսանտին) պարունակող մթերքով սնվող մինչև 75 տարեկան կանանց աչքերի դեղին բծի` տարիքի հետ կապված կազմափոխության ռիսկն ավելի փոքր է։ Տարեցների կուրության հիմնական պատճառներից մեկն էլ հենց նման տարիքային փոփոխություններն են։ Ներկայում բուժման հայտնի եղանակներով հնարավոր է միայն դանդաղեցնել հիվանդության զարգացումը, ուստի հիմնական դեր է խաղում կանխումը։

Հետազոտությունն անցկացնող հիմնական հեղինակ Սյուզեն Մ. Մոելերը համարում է, որ կարոտինոիդները կանխում են դեղին բծի` տարիքի հետ պայմանավորված կազմափոխությունը, սակայն դա վերջնականապես ապացուցելու համար անհրաժեշտ է հետազոտությունները շարունակել։

Լյուտեինով և զեաքսանտինով հարուստ են ձուն, կաղամբը, ծաղկակաղամբը, սպանախը, շաղգամը, կանաչեղենը, դդմիկը, հացազգիները, ոլոռը և այլն։

Հարցեր, պատասխաններ, մեկնաբանություններ