Օրգանիզմում վիտամին D-ի ավելցուկի վտանգավորությունը. profile.ru

Վիտամին D-ն մարդու օրգանիզմում արտադրվում է արևի ուլտրամանուշակագույն ճառագայթների մաշկի վրա ազդեցության ժամանակ: Այն կարգավորում է կալցիումի և ֆոսֆատի քանակությունն օրգանիզմում և նրա պակասը կարող է առաջացնել հոգնածության զգացում, թուլություն, ոսկրային ցավեր, երեխաների մոտ ռախիտի երևույթներ և դեպրեսիա:

Այդ ամենից խուսափել հնարավոր է՝ ամռանը բավարար չափով օգտվելով արևի ճառագայթներից, իսկ ձմռանը` օգտագործելով վիտամին D պարունակող մթերքներ կամ հավելումներ: Իսկ որքա՞ն պետք է լինի նրա քանակը, և արդյո՞ք չափից ավելի օգտագործելը վնասակար չէ առողջության համար:

Ինչպես գրում է Express-ը, վիտամին D-ի պարունակությունը ձկան յուղում, սնկերում, ձվի դեղնուցում, կարմիր մսի մեջ և այլ մթերքներում շատ քիչ է: Այդ պատճառով, եթե մարդն օգտագործում է որոշակի վիտամինային սննդակարգ, պետք է չանհանգստանա գերդոզավորումից: Սակայն այլ է հավելումների օգտագործումը: Դրանց չվերահսկված ընդունումն առաջացնում է օրգանիզմում կալցիումի մեծ քանակի կուտակում, որն էլ բերում է ոսկրերի թուլացման, երիկամների և սրտի վնասման:

Այնուամենայնիվ, պետք չէ լիովին հրաժարվել հավելումներից և միայն կենտրոնանալ մթերքների վրա: Բանն այն է, որ դժվար է միայն սննդակարգի օգնությամբ ստանալ անհրաժեշտ քանակությամբ վիտամին D: Հարկ է նաև չհաշտվել նրա պակասի հետ` սպասելով արևոտ օրերի, քանի որ վիտամին D-ն կարևոր դեր ունի օրգանիզմի դիմադրողականության համար և կարող է պաշտպանել նաև կորոնավիրուսային վարակից, նշում է սննդաբան Էլիզաբեթ Ստյուարտը:

Նրա խոսքով, անհրաժեշտ է հաշվի առնել վիտամին D-ի տարբեր տարիքային խմբերի օրվա նորմայի հրահանգներին: Այսպես. մեծահասակներին և 11-18 տարեկան երեխաներին չի կարելի օգտագործել օրը 100 մկգ-ից ավելի, 1-10 տարեկանները պետք է ստանան օրը 50 մկգ-ից ոչ ավելի, իսկ կրծքի հասակի երեխաները մինչև 1 տարեկանը՝ 25 մկգ-ից ոչ ավելի: 

Հարցեր, պատասխաններ, մեկնաբանություններ