Տղամարդիկ վիտամիններ օգտագործելու ռեկորդներ են սահմանում

Տղամարդկանց 38 տոկոսը կենսաբանական ակտիվ հավելումներ է օգտագործում: Անցած տարվա ընթացքում նրանց շնորհիվ այդ հավելումների վաճառքն ավելացել է 25 տոկոսով եւ գնալով ավելի շատ արտադրողներ են իրենց ապրանքի սպառման թիրախ ընտրում տղամարդկանց, գրում է The Daily Mail-ը:

Mintel ընկերության վերլուծաբանների կարծիքով՝ տղամարդիկ սկսել են ավելի ուշադիր լինել իրենց առողջության եւ արտաքին տեսքի հարցերում, սակայն, միեւնույն է, ավելի շատ են կենսաբանական ակտիվ հավելումներ օգտագործում են կանայք (46 տոկոս), տարեցներն ու երեխաները:

Առավել հաճախ տղամարդիկ խմում են A, D վիտամիններ, ցինկ եւ մագնիում, որոնք օգնում են բարելավել հիշողությունը, ոսկորների ամրությունը: Տղամարդկանց 27 տոկոսը խոստովանում են, որ վիտամիններն ու հավելումները կարեւոր են արտաքին տեսքի բարելավման տեսանկյունից: Յուրաքանչյուր 5-րդը տարվա մեջ առնվազն մեկ անգամ վիտամիններ է ընդունում երբ առողջության ցուցանիշների վատացում է նկատում, հաղորդում է MedDaily.ru-ն:

Հարցեր, պատասխաններ, մեկնաբանություններ