Ուղեղը ջնջում է հիշողությունները` նորն ընդունելու. 1in.am

Nature Communications պարբերականում հրապարակված հոդվածը ցույց է տվել, որ սովորելու ընթացքում ուղեղը ջանում է մոռանալ ստացած տեղեկատվությունը: Պաբլո դե Օլավիդեի անվան համալսարանի և Եվրոպական մոլեկուլյար-կենսաբանության լաբորատորիայի գիտնականներն ուսումնասիրել են մկների գլխուղեղի այն մասը, որը պատասխանում է հիշողությանը: Ուղեղի այդ շրջան տեղեկատվությունը հասնում է 3 ճանապարհով, և երբ այն ամրանում է հիշողության մեջ, գերիշխող ճանապարհին նեյրոնային կապերը դառնում են ավելի ամուր:

Գիտնականների կողմից այդ ճանապարհի արգելափակումը հանգեցրել է այն բանին, որ մկների մոտ չի ձևավորվել պայմանական ռեֆլեքս, թուլացել են նեյրոնային կապերը և ջնջվել է հիշողությունը: Գիտնականները նաև պարզել են, որ մոռանալու գործընթացն աշխատում է միայն սովորելու ընթացքում: Գիտնականներից մեկը պարզաբանել է. «Բացահայտման հնարավոր բացատրություններից մեկն այն է, որ հիշողությունը սահմանափակ է, և սովորելու ընթացքում ուղեղը ջանում է տեղ ազատել նոր տեղեկատվության համար»:

Հարցեր, պատասխաններ, մեկնաբանություններ