Գիտնականները գտել են մարդու հիշողությունը բարելավելու միջոց. 1in.am

Գիտնականները մարդկանց հիշողությունը լավացնելու միջոց են գտել: Հետազոտությունների արդյունքում պարզվել է, որ մարդու գլխուղեղում գտնվող հատուկ «լծակը» հնարավորություն է տալիս լավացնել հիշողությունների որակը, գրում է svit24.net կայքը:

Մասնագետների խոսքերով՝ մարդու գլխուղեղը պարունակում է մոլեկուլներ, որոնք դանդաղեցնում է ստացված ինֆորմացիայի մշակումը: Եթե հեռացնենք այդ մոլեկուլները, ապա ուղեղի գործունեությունը և հիշելու գործընթացը նկատելիորեն կբարելավվի:

Մասնագետները մեծ հույսեր են կապում այս բացահայտման հետ, քանի որ այն թույլ կտա մեծ առաջընթաց արձանագրել նյարդային համակարգի հիվանդությունների բուժման մեջ: Բացի այդ, այն կօգնի բուժել այնպիսի նեյրոդեգեներատիվ հիվանդություններ, ինչպիսիք են աուտիզմը և Ալցհեյմերի հիվանդությունը:

«Մեր արդյունքները ցույց են տվել, որ ուղեղում առկա է հիմնական սպիտակուց, որը սահմանափակում է հիշողությունը ձևավորող անհրաժեշտ մոլեկուլների արտադրությունը, ասում է բժիշկ Քեյթ Մուրայը:

-Եթե ճնշել այդ դանդաղեցնող սպիտակուցը, ապա ուղեղը կարող է պահել ավելի շատ տեղեկություն: Մենք հայտնաբերել ենք նոր ճանապարհ, որն անմիջականորեն կառավարում է տեղեկատվության մշակման գործընթացը: Սա կարող է օգնել գլխուղեղի հիվանդությունները հասկանալու և բուժելու համար: Հետագա ուսումնասիրություններն այս ոլորտում կարող են շատ հետաքրքիր լինել: Եթե մենք կարողանանք ճանաչել այն միացությունները, որոնք կառավարում են FXR1P-ն արգելակող ներուժը, ապա մենք կարող ենք փոխել ուղեղի գործունեության կամ ճկունության քանակը: Կառավարելով FXR1P-ը, մենք վերջնական արդյունքում կարող ենք կարգավորել հիշողության ձևավորումը և փնտրումը, այդպիսով, բարելավելով ուղեղի հիվանդություններով տառապող մարդկանց կյանքը»:

Հարցեր, պատասխաններ, մեկնաբանություններ