Միկրոբիոմի կազմի փոփոխությունը հանգեցնում են քաշի ավելացման. tert.am

Միկրոբիոմի փոփոխությունները կարող են  հանգեցնել ճարպակալման: Այովայի (University of Iowa) համալսարանի հետազոտական խումբը ստացել է հերթական հաստատումն այն մասին, որ  աղիքային մանրէներն ազդում են օրգանիզմի   առողջության վրա:

Գիտնականները հետազոտություն են իրականացրել մկների  վրա և ցույց տվել, որ դեղերի օգտագործման հետևանքով առաջացած միկրոբիոմայի փոփոխությունները դանդաղեցնում են նյութափոխանակության ընթացքը, ինչը կարող է հանգեցնել գիրության:

Ջոն Կիրբին (John Kirby) և նրա գործընկերները հետազոտել են Ռիսպերիդոնի ազդեցությունը, (հոգեմետ դեղ), որի ընդունումը հաճախակի առաջացնում է քաշի ավելացում:

Այս դեղորայքը նախատեսված է երեխաների և մեծահասակների մոտ  առաջացած  շիզոֆրենիայի, երկբևեռ խանգարման և այլ հոգեկան խանգարումների բուժման համար:

Նախկինում արդեն պարզվել էր, որ Ռիսպերիդոնի երկարաժամկետ օգտագործումն առաջացնում է աղիքային միկրոֆլորայի կազմի էական փոփոխություն: Այն հնարավոր եղավ հաստատել նաև լաբորատոր մկների վրա կատարված հետազոտությունների արդյունքում:

Հեղինակները նաև ցույց են տվել, որ Ռիսպերիդոն ստացած բոլոր կենդանիների մոտ, դեղի կիրառումից երկու ամիս անց նկատվել է 10%  քաշի ավելացում:

Նրանք կարողացել են բացահայտել նաև քաշի ավելացման  պատճառը: Պարզվել է, որ միկրոբիոմայի կազմի փոփոխությունն էականորեն դանդաղեցրել է հանգիստ վիճակում օրգանիզմի նյութափոխանակության արագությունը մոտավորապես 16%-ով:

Գիտնակաները հաշվել են, որ նյութափոխանակության նման խանգարումները մարդու մոտ կարող են տարեկան 13 կգ քաշի ավելացման պատճառ դառնալ:

Հարցեր, պատասխաններ, մեկնաբանություններ