Ինչու՞ է հանգիստն այդքան օգտակար նիհարել ցանկացողների համար. med.news.am

Եթե ցանկանում եք նիհարել, պետք է ո՛չ միայն սպորտով զբաղվել եւ հետեւել սննդակարգին, այլեւ՝ հանգստանալ: Սթերսը վերահսկելը, մասնագետների խոսքով, ո՛չ միայն օգնում է նիհարել, այլ նաեւ ավելի առողջ է դարձնում մարդկանց:

Քլիվլենդի կլինիկան ներկայացնող բժիշկ Մլադեն Գոլուբիցի խոսքով՝ քրոնիկ սթրեսից ազատվելն օգնում է ճիշտ սնվել ու  մարզվել, իսկ դա իր հերթին կանխարգելում է քրոնիկ հիվանդությունները: Մասնավորապես՝ հանգստությունն ու հոգեկան հավասարակշռությունը կարող են օգնել կանխարգելել սրտի մի շարք հիվանդություններ, երկրորդ տիպի դիաբետ, բարձր ճնշում եւ ճարպակալում:

Ինչպես նշեց բժիշկը, շատ լավ գաղափար է մեդիտացիան, յոգան, որոնք օգնում են մարդուն ավելի լավ հասկանալ սեփական մարմինն ու անձը:

Հատկանշական է, որ մեդիտացիաներով զբաղվող մարդիկ ավելի շուտ են նիհարում:

Այդ պատճառով մասնագետը խորհուրդ է տալիս հանգստանալ, զբաղվել յոգայով եւ մեդիտացիաներով՝ նույնիսկ ինքնուրուն: Իսկ եթե միայնակ դժվարանում եք, կարելի է գնալ կուրսերի կամ խորհրդակցել ոլորտի մասնագետի հետ:

Հարցեր, պատասխաններ, մեկնաբանություններ