Լավ երևակայությունը մարդկանց դրդում է վնասակար մթերքների և շատակերության. 1in.am

Միայն համեղ ուտելիքի մասին մտքից մարդու թուքը հոսում է: Յեյլյան բժշկական համալսարանի գիտնականները պարզել են, որ եթե մարդը կարողանում է ուտելիքի բույրը լավ պատկերացնել, դա ազդում է նրա քաշի վրա: Փորձագետները ապացուցել են, որ ուտելիքի հոտը մտովի վերարտադրելու մարդկանց ընդունակությունը ուղղակիորեն կապված է նրանց գիրության հետ, նշում է The Daily Mail-ը:

Բացառված չէ, որ ուտելիքի մասին վառ պատկերացումները ուժեղացնում են նրա նկատմամբ ձգտումը և մեծացնում ուտելիքի օգտագործումը: Բացի այդ, գեր մարդիկ սովորաբար ավելի վառ պատկերացումներ ունեն ուտելիքի մասին:

Գիտնականները 2 փորձ են կատարել: Սկզբում նրանք խնդրել են 27 մարդու լրացնել երեք հարցաթերթիկ, որոնցով չափում էին նրանց պատկերացման կարողությունները: Երկու հարցաթերթիկները ցույց էին տալիս, թե որքան վառ են կարողանում մասնակիցները պատկերացնել ոչ ուտելիքային առարկաներ: Իսկ երրորդ հարցաթերթիկը ուտելիքների մասին էր:

Կամավորները պետք է պատկերացնեին թարմ հացի, թխվածքաբլիթի, ադիբուդիի, գրիլի համը և հոտը: Ստացված երևակայական պատկերը գնահատվել է սանդղակով: Ինչպես նաև հաշվի է առնվել կամավորների մարմնի զանգվածի ինդեքսը: Ինչպես որ սպասվում էր, բարձր ՄԶԻ ունեցող մարդկանց մոտ (համեմատաբար ավելի գեր) ի հայտ եկավ ուժեղ պատկերացում: Սակայն այն վերաբերում էր միայն ուտելիքին և հոտին:

Հետագայում փորձը կրկնել են 57 մարդու հետ, և ստացել են նույն արդյունքները:

Հարցեր, պատասխաններ, մեկնաբանություններ