Գիտնականները նիհարելուն նպաստող էլեկտրոնային հաբ են ստեղծել. news.am

MelCap Systems ընկերության հրեա գիտնականները նոր բացառիկ էլեկտրոնային հաբ են ստեղծել, որը կարող է խաբել մարդու ուղեղին եւ օգնել նիհարել: Շնորհիվ այս հաբի, ուղեղը սկսում է մտածել, որ ստամոքսը լիքն է եւ որ մարդը կուշտ է: Որպես հետեւանք՝ կասեցվում է ախորժակը, նվազում ավելորդ քաշը:

Փորձարական դիետիկ այս հաբն աշխատում է ճիշտ այնպես, ինչպես ստամոքսային ռիթմերը՝ արդյունավետ կերպով կասեցնելով ախորժակը: Ռիթմի կարգավորիչներն են իմպլանտները, որոնք տեղադրվում են ստամոքսի մեջ վիրաբուժական ճանապարհով եւ միանում թափառող նյարդին: Այս նյարդը ազդակներ է ուղարկում ստամոքսից հիպոտալամուսին: Վերջինս պատասխանատու է ախորժակի կարգավորման համար: Ռիթմի կարգավորիչը սենսոր ունի, որն էլ որոշում է, երբ պետք է սնունդը հայտնվի ստամոքսում: Դրանից հետո նա թափառող նյարդին էլեկտրական ազդակներ է ուղարկում, որպեսզի ուղեղը կարողանա զգալ, որ ստամոքսը կուշտ է:

Ստամոքսում հայտնվելուց մի քանի րոպե անց հաբը ցանց է դուրս գցում: Երբ հաբը զգում է, ինչպես են աշխատում մկանները, նա տարբերակում է ստամոքսի մեջ սննդի առկայությունը, ինչից հետո նյարդին ազդակներ է ուղարկում՝ կուշտ լինելու մասին:

Ռիթմի այս կարգավորիչն արժե 10 հազար ֆունտ, եւ, սովորաբար, օգտագործվում է այն պացիենտների դեպքում, ովքեր զգայուն չեն դիետաների նկատմամբ կամ՝ երբ գաստրոշունտավորում հնարավոր չի իրականացնել: Այս հաբը վիրաբուժական միջամտության կարիք չունի, կարելի է կուլ տալ ջրի միջոցով: Չնայած նրան, որ հաբի գինը դեռեւս պարզ չէ, հավանաբար, ավելի էժան կլինի, քան ռիթմի կարգավորիչը:

Հարցեր, պատասխաններ, մեկնաբանություններ