Ճարպի 80%-ը շնչառության միջոցով կարող է դուրս գալ մարմնից. news.am

Մարմնի ճարպի ավելի քան 80 %-ը կարող է դուրս գալ շնչառության միջոցով։ Պարզվել է՝ թոքերը քաշի տատանումների հետ կապված գլխավոր օրգանն է։ Այս մասին հայտնել են բրիտանացի գիտնականները։ Ինչպես գրում է The Daily Mail-ը, շնչառական ճշգրիտ վարժությունները  շատ արդյունավետ են քաշի նվազեցման համար։

Հայտնի է, որ արյան պարունակության մեջ մտնում են ածխածնի, ջրածնի եւ թթվածնի երեք տեսակի ատոմից կազմված տրիգլիցերիդները։ Նիհարելու  համար պետք է սկսել օքսիդացման գործընթացը՝  ազատելով տրիգլիցերիդների մոլեկուլների ատոմները։

Ինչպես հաստատել են Նոր Հարավային Ուելսի համալսարանի գիտնականները, երբ 10 կգ ճարպ է օքսիդանում, 8,4 կգ-ը թոքերի միջոցով մարմնից դուրս է գալիս ածխաթթու գազի տեսքով, իսկ մնացած 1,6 կգ-ը ջրի է վերածվում։ Այս դեպքում հետազոտությունը ցույց է տվել, որ օքսիդացման համար անհրաժեշտ շնչելու օդի ծավալը գրեթե երեք անգամ գերազանցում է այրվող ճարպի ծավալը։ Այլ կերպ ասած, 10 կգ ճարպի օքսիդացման համար անհրաժեշտ է, որպեսզի մարմինը 29 կգ թթվածին ստանա։ Արդյունքում՝ 28 կգ ածխաթթու գազ եւ 11 կգ ջուր կարտադրվի։  70 կգ կշռող մարդը հանգիստ վիճակում արտաշնչում է 200 միլիլիտր ածխաթթու գազ։ Մեկ օրվա կտրվածքով ծավալը կարող է կազմել 200 գ ածխածին (գրեթե հավասարազոր է 9 ժամ քնի կորստի 3 կգ-ին)։ Ժամով վազելը կօգնի հավաքել ածխածնի հավելյալ 40 գ, որը 240 գրամով կավելացնի ընդհանուր կորուստը։

Հարցեր, պատասխաններ, մեկնաբանություններ