Քաշի տարիքային ավելացումը կդադարի խնդիր լինելուց. ankakh.com

Միջին տարիքում քաշի ավելացումը տարածված խնդիր է թե տղամարդկանց և թե կանանց համար, սակայն վերջերս արված գիտական բացահայտումը հույս է ներշնչում, որ դրա մասին կարելի է վերջնականապես մոռանալ:
 
Աբերդինի համալսարանի գիտնականները ապացուցել են,  որ միջին տարիքում քաշի ավելացումն անքակտելիորեն կապված է  գլխուղեղի` ախորժակի համար պատասախանատու նյարդային կենտրոնի աշխատանքի ֆունկցիայի դանդաղեցման հետ:
 
Դա նշանակում է, որ մենք տարիքի հետ սկսում ենք ավելի ուտել, քան պահանջում է օրգանիզմը ու իբրև հետևանք քաշն է  ավելանում:
 
Այս բացահայտման հեղինակները վկայում են, որ այժմ, երբ արդեն գիտենք, թե ինչպես են աշխատում նման բջիջները, իրենք կարող են ուշադրությունը սևեռել այն միջոցների որոնմանը, որոնք թույլ կտան պահպանել դրանց ակտիվությունը` խոչընդոտելով ախորժակի ու քաշի ավելացմանը:
 
Սակայն, դեռևս այդ միջոցները գտնված չեն, ու քաշի ավելացումից խուսափելու համար պետք չէ ուտել այնքան, մինչև զգաս, որ հագեցել ես:

Հարցեր, պատասխաններ, մեկնաբանություններ