Լրացուցիչ կիլոգրամները տարեց հասակում երկարացնում են կյանքի տեւողությունը

Լրացուցիչ կիլոգրամները կարող են օգտակար լինել առողջության համար: Ավելին, ավելորդ քաշը երկրարակեցության գործոն է: Մելբուրն քաղաքի Դիկինի համալսարանի (Ավստրալիա) գիտնականները հաստատել են, որ տարեց հասակում պետք չէ նիհարել. ավելորդ քաշով ծերունիները, մասնագետների եզրակացությունների համաձայն, ավելի երկար են ապրում, նրանց մոտ տարիքային հիվանդությունների ռիսկն ավելի փոքր է:

Գիտնականները վերլուծել են 100 գիտական աշխատանքների արդյունքներ, որոնցում 10 տարվա ընթացքում մասնակցել են տարբեր տարիքի ու քաշի ավելի քան 200 հազար մարդ: Ավելորդ քաշի որոշման համար հեղինակները կիրառել են մարմնի քաշի ինդեքսի բանաձեւը՝ քաշի կիլոգրամներով ցուցանիշը բաժանել հասակի մետր քառակուսիով ցուցանիշի: Պարզվել է, որ բարձր ինդեքսով ծերունիների ինքնազգացողությունն ավելի լավ էր, քան նիհարների մոտ, հաղորդում է «ԵվրոՍՄԻ»-ն:

Իդեալական է համարվում 18.5-25 միավորի սահմաններում ինդեքսը, 25-30-ը վկայում է ավելորդ քաշի մասին, իսկ 30-ից բարձրն արդեն ճարպակալում է: Ավստրալիացի փորձագետները նշել են, որ 65 տարեկանից բարձր մարդկանց խմբում 33-33.9 ինդեքսի պայմաններում մահացության տոկոսը կազմում էր 4-11 տոկոս՝ ի տարբերություն նրանց, ում մոտ ինդեքսը չէր անցնում իդեալականի սահմանը:

Հետազոտության ղեկավար պրոֆեսոր Քերոլ Նաուսոնը նշում է, որ ավելորդ քաշ ունեցող տարեց մարդիկ սննդակարգերի չպետք է հետեւեն: Նա խորհուրդ է տալիս խուսափել շատակերությունից, չնվազեցնել ֆիզիկական ակտիվությունը: Իսկ լրացուցիչ կիլոգրամները թոշակառուներին միայն օգտակար են:

Հարցեր, պատասխաններ, մեկնաբանություններ