50 օրում՝ 12 կգ ավելորդ քաշից ազատվելու համար ճապոնացիներն առաջարկում են ընդամենը խոր շունչ քաշել (տեսանյութ)

Ժամանակակից աշխարհն արագորեն փոխվում է՝ իր հետ փոխելով նաև գեղեցկության ընդունված չափորոշիչները: Օրինակ, եթե ժամանակին կնոջ փոքր-ինչ գեր կամ մարմնեղ լինելը համարվում էր կանացիության ու առողջության  նշան, ապա այժմ հակառակն է:

Կանանց մեծ մասը սկսել է տառապել նիհարելու և ավելորդ քաշից ձերբազատվելու «մոլուցքով»՝  հաշվի չառնելով սեփական մարմնի առանձնահատկությունները: Երբեմն երկարատև դիետաներն ունենում են հակառակ արդյունք ու մարմնի ցանկալի չափերը ձեռք բերելու փոխարեն կանանց բաժին են ընկնում առողջական խնդիրներ: Քիչ չեն նաև այն դեպքերը, երբ երկարատև դիետաներն ու մարզումները բնավ էլ չեն ապահովում ցանկալի արդյունքը:

Սակայն այժմ ճապոնացի մասնագետներն առաջարկում են նիհարելու «հեղափոխական» տարբերակ: Ինչպես նշում է Oddity Central -ը, հարկավոր է միայն օրական մեկ անգամ 2-5 րոպե շարունակ շատ խորը շունչ քաշել, այնուհետև արտաշնչել: Long Breath Diet-ի (Խորը շնչելու դիետա) հեղինակն է Միկի Ռիոսուկեն, ով պնդում է, որ այս տարբերակով հնարավոր է 50 օրում 12 կգ-ով նիհարել:

Ճապոնացին այս մեթոդը բացահայտել է պատահականության արդյունքում, երբ տարբեր շնչառական տեխնիկաներ է փորձել մեջքի ցավը մեղմելու համար: Որոշ ժամանակ անց նա զգացել է, որ  հատուկ շնչառության արդյունքում զգալի քաշ է կորցրել:

Մասնագետը նշել է, որ հարկավոր է 3 վայրկյանի ընթացքում խորը շունչ քաշել, այնուհետև 7 վայրկյանի ընթացքում ուժգին արտաշնչել: Եվ եթե այս վարժությունն օրական 2-5 րոպե կատարվի, ապա դա կօգնի ազատվել ավելորդ կիլոգրամներից:

Հարցեր, պատասխաններ, մեկնաբանություններ