Ավանդական սննդակարգն ու վարժություններն ազատում են ճարպից

Գիրությունն ամերիկյան հասարակության մեջ գերիշխող երևույթ է: Քաշի ավելացման հետ մեծանում է այլ հիվանդությունների, այդ թվում՝ արյան բարձր ճնշման և երկրորդ տեսակի շաքարախտի զարգացման վտանգը:

Փիթսբուրգի համալսարանի բժշկական ֆակուլտետի բժիշկ Բրետ Գուդփասթըրի համաձայն՝ չափազանց գեր մարդիկ կարող են զգալի քաշ կորցնել՝ ավանդական համարվող սննդակարգի և վարժանքների ծրագրի միջոցով:

Բժկության դպրոցից բժիշկ Գուդփասթըրը և այլ հեղինակներ հետազոտություն են կատարել 130 չափազանց գեր մեծահասակների շրջանում: Մեկ տարի շարունակ նրանց կեսը հետևել է սննդակարգի և վարժանքի ծրագրին: Մյուս կեսը հետևել է միայն սննդակարգի ծրագրին, վարժություններ չի կատարել մինչև տարվա երկրորդ կեսը:

''Հետազոտության ամբողջ ընթացքում վարժանքների ծրագրին մասնակցած խմբում 12 կիլոգրամ քաշի կորուստ է գրանցվել, իսկ տարվա միայն երկրորդ կեսին վարժանք կատարող խմբում քաշի կորուստը եղել է 10 կիլոգրամ'', - ասում է բժիշկ Գուդփասթըրը:

Բժիշկ Գուդփասթըրի համաձայն, չափազանց գեր մարդկանց մոտ գրանցվել է նաև արյան ճնշման և ինսուլինին դիմադրողականության էական փոփոխություն, ինչը սերտորեն կապված է շաքարախտի առաջացման վտանգի հետ:

''Ուսումնասիրության մասնակիցներն ազատվել են նաև ստամոքսի ճարպից'',- ասել է բժիշկ Գուդփասթըրը՝ հավելելով. ''Այս ուսումնասիրությունը հստակ ցույց է տալիս սննդակարգին հետևելու և վարժանքների ծրագրի արդյունավետությունը'':

Հարցեր, պատասխաններ, մեկնաբանություններ