Ինչու է ամուսիններին խորհուրդ տրվում առանձին քնել. hing.am

Հետազոտելով մարդու հանգիստը քնի ժամանակ, մասնագետները եկել են անսպասելի եզրակացության: Պարզվում է, որ զույգը մեկ անկողնում քնելիս զրկվում է լիարժեք հանգստից: Այդպիսի եզրակացության են եկել Ռայերսոն Համալսարանի Քնի և դեպրեսիայի լաբորատորիայի մասնագենտները:

Կենտրոնի տնօրեն Քոլին Քարնեյը խորհուրդ է տալիս գիշերներն առանձին անցկացնել: Իր կարծիքը նա բացատրում է քուն մտնելու ընթացքում այլ մարդու մոտ գտնվելու ազդեցությամբ:

Քարնեյը նշում է, որ երբ մասնագետները սկսել են ուսումնասիրել ուղեղի աշխատանքը համատեղ քնի ընթացքում, հայտնաբերել են, որ միասին քնող զույգը չի ընկղմվում խորը քնի մեջ, ինչը շատ կարևոր է օրգանիզմի վերականգնման համար: Զուգընկերոջ մոտ գտնվելը շեղում է մյուսի ուշադրությունը և խանգարում սուզվել խորը քնի փուլի մեջ:

Որպես փաստարկ Քոլին նաև ներկայացնում է հարցումների օրինակը, համաձայն որի, ներդաշնակ հարաբերություններ ունեցող հարցված զույգերի 40%-ը հայտարարել է, որ նախընտրում է առանձին քնել:

Հարցեր, պատասխաններ, մեկնաբանություններ