Անքնությունից ազատվելու համար հարկավոր է քիչ քնել. գիտնականներ. 1in.am

Քրոնիկական անքնությունից խուսափելու համար հարկավոր է անկողնում որքան հնարավոր է քիչ ժամանակ անցկացնել, եզրակացրել են Փենսիլվանիայի համալսարանի գիտնականները, հայտնում է gazeta.ru-ն:

Կատարված փորձերի արդյունքները ներկայացվել են SLEEP 2016-ում՝ քնի խնդիրներին նվիրված միջազգային 30-րդ ամենամյա կոնֆերանսի ժամանակ: Այդ մասին հայտնում է Medical News Today պորտալը:

Հետազոտողները նկատել են, որ այն մասնակիցները, ովքեր փորձել են ազատվել անքնությունից ուշ արթնանալու միջոցով, վերջին հաշվով, նրանց մոտ սուր անքնությունը վերափոխվել է քրոնիկականի:

Օրինակ, եթե մարդը պառկում է քնելու ժամը 23-ին, և զարթուցիչը դնում է ժամը 7-ի վրա, սակայն արթնանում է 5:30-ին, ավելի լավ է չմնալ անկողնում: Գիտնականների կարծիքով այդպիսի վարքն օգնում է խուսափել ո՛չ միայն սուր, այլ նաև քրոնիկական անքնությունից:

Հարցեր, պատասխաններ, մեկնաբանություններ