Ինչու՞ չենք կարողանում քնել նոր տեղում. գիտնականներ. 1in.am

Անծանոթ վայրում շատերը քնելու հետ կապված խնդիր են ունենում: Գիտնականները հայտնում են, որ դրա պատճառն այն է, որ նոր տեղն ընկալվում է որպես ոչ անվտանգ: Այդ պատճառով մեր ուղեղի կեսը միայն թեթև ննջում է`՝ զգոն մնալով: Հետազոտությունը հրապարակված է Current Biology ամսագրում:

Հետազոտության ընթացքում կիրառվել են ուղեղի սքանավորման տարբեր մեթոդներ: Գիտնականները նկատել են, որ անծանոթ տեղում հայտնված մարդիկ ավելի դժվար են քնում, իսկ նրանց ուղեղի ձախ կիսագունդն ավելի մակերեսային է քնում, քան սովորաբար: Բացի այդ՝ ուղեղն ավելի սուր է արձագանքում անսովոր ձայներին և այլ արտաքին խթաններին:

Սակայն, ինչպես նշում են գիտնականները, մարդու ուղեղը հեշտ է հարմարվում: Ուստի հաճախ նոր վայրերում հայտնված մարդիկ պարտադիր չէ, որ քնի հետ կապված խնդիրներ ունենան:

Հարցեր, պատասխաններ, մեկնաբանություններ