Վատ երազներ տեսնելն իրականում օգտակար է. հետազոտություն. tert.am

Մղձավանջներ տեսնելը կարող է իրականում օգտակար լինել մարդկանց. նման պնդումով է հանդես գալիս The Huffington Post-ը` վկայակոչելով նոր հետազոտությունը:

Աղբյուրը նշում է, որ մղձավանջներից անմասն չի մնում ոչ-ոք, սակայն, միևնույն ժամանակ, ոչ-ոք սիրում բռնությամբ ու սարսափներով լի երազները: Սակայն, իրականում, մղձավանջները մարդու հոգեկան առողջության համար կարևոր նպատակ ունեն:

Հետազոտությունը ներկայացված է մատչելի հոլովակով` հղումով. «Վատ երազների լավ կողմը» (The Good Side of Bad Dreams) վերնագրով ֆիլմում բացատրվում է, որ մղձավանջները էմոցիոնալ լիցքաթափման եղանակ են ծառայում, որոնք թույլ են տալիս հաղթահարել սթրեսները, նեղվածությունը, որոնք պատուհասում են մեզ մեր առօրյա կյանքում:

Արթմնի վիճակում մեզ ամենից շատ մտահոգող բաները շարունակում են «հալածել» մեզ նաև քնած ժամանակ: Անգիտակցականի վիճակում մեր ուղեղը մեր աբստրակտ վախերը վերցնում ու վերափոխում է պատմությունների, որոնք ունեն մղձավանջների տեսք:

Դա տեղի է ունենում հետևյալ մեխանիզմով. պարզ ասած` մղձավանջը մեր վախերը վերափոխում է հիշողության «ձևաչափի»: Իսկ դա օգտակար է, քանի որ հուշերի հետ ավելի հեշտ է գործ ունենալ հոգեպես, որոնք տեղի են ունեցել անցյալում, քան «ակտիվ նեղվածությունը», որը շարունակում է մնալ մեզանում:

Ի դեպ, մղձավանջներ են տեսնում մեծահասակների 8 տոկոսը: Ամեն դեպքում, մղձավանջների մասին շատ պետք չէ անհանգստանալ, բացատրում է հոլովակը:

Հարցեր, պատասխաններ, մեկնաբանություններ