Գիտնականները պատմել են, թե ինչու երազները հաճախ իմաստ չունեն. 1in.am

Շատ մարդիկ երազում անիրական բնապատկերներ են տեսնում, խոսում են կենդանիների հետ կամ գերմարդկային հատկություններով են օժտված լինում: Միլանի համալսարանի մասնագետները նման երազները փսիխոզի հետ են համեմատել, քանի որ մարդը հեշտությամբ հեռանում է իրականությունից և սխալ եզրակացություններ անում: Նոր ուսումնասիրությանը 12 կամավոր է մասնակցել, փոխանցում է The Daily Mail-ը:

Ուսումնասիրողները մասնակիցներին խնդրել են քնի օրագիր վարել: Կամավորները պետք է մանրամասնորեն նկարագրեին իրենց 7 երազը: Դրանից բացի, մասնակիցները գրանցել են այն ամենը, ինչ արել են օրվա ընթացքում: Գիտնականները կամավորներին պատկերներ են ցուցադրել և խնդրել դրանցով ֆանտաստիկ պատմություններ կազմել:

Մասնագետները նկատել են, որ քունն ու երևակայությունը ակտիվացրել են գլխուղեղի աջ կիսագունդը, որը կապված է բառերի նշանակության և վերլուծության հետ:

Փորձագետները ենթադրում են, որ քնի մեջ տարօրինակությունները կարող են կապված լինել հիշողությունների պահպանման գործընթացի հետ: Մասնագետները կարծում են, որ տարօրինակություններն ի հայտ են գալիս ուժեղ կամ հակառակ զգացողությունները խորհրդանշելու պատճառով: Մինչդեռ ոչ բոլոր երազներն են տարօրինակ և ոչ իրական, այնպես որ, դրանք հալուցինացիաների և փսիխոզի վերագրել հարկավոր չէ: Հավանական է, որ դրանք երևակայության ծայրահեղ արտահայտումներ են:

Հարցեր, պատասխաններ, մեկնաբանություններ