Անքնությունը հանգեցնում է գիրացման 21 տարեկանից հետո. ankakh.com

Այն դեռահասները, ովքեր քնի հետ խնդիրներ ունեն, 21 տարեկանից հետո գիրանալու ռիսկի խմբում են հայտնվում: Հատկապես  վտանգավոր է անքնությունը:

Հյուսիսային Կարոլինայի ու Կոլումբիական համալսարանների մասնագետները Ամերիկայում 16-21 տարեկան  10 հազար դեռահասի շրջանում հետազոտություն են կատարել: Պարզվել է, որ լիարժեք քունը նվազեցնում է ճարպակալման ռիսկը:  8-ժամյա քունը բավարար է դրանից ապահովագրվելու համար, իսկ այդ ժամանակահատվածի նվազեցումը արդեն 21 տարեկանում ճարպերի կուտակմամբ է սպառնում:

Գիտնականները ենթադրում են, որ անբավարար քունը դեռահասները սննդով են փոխհատուցում: Դրա համար էլ բժիշկները խորհուրդ են տալիս ապահովել երեխաների 8-9-ժամյա քունն, ու աշխատել քնի  ու որոշակի ժամերին արթնանալու ռեժիմ մշակելու ուղղությամբ, և այլևս  քաշի հետ կապված խնդիրներ չեն առաջանա:

Հարցեր, պատասխաններ, մեկնաբանություններ