Անքնությունը նպաստում է սրտի հետ կապված հիվանդությունների ձեռքբերմանը. tert.am

Շվեդ գիտնականներն ուսումնասիրությունների արդյունքում պարզել են, որ անկանոն քունը կործանարար ազդեցություն է ունենում մարդու իմունային համակարգի վրա։ Մասնավորապես, նրանք հանգել են այն եզրակացությանը, որ անքնություն ունեցող մարդիկ ավելի շատ են հակված սրտի հետ կապված հիվանդությունների ձեռքբերմանը։

Ինչպես նշում է ИТАР-ТАСС-ը, հետազոտությանը մասնակցել է 499 հիվանդ, ովքեր հոսպիտալացվել էին կարդիոլոգիական հիվանդությունների պատճառով։ Դուրս գրվելուց հետո նրանց 43%-ի մոտ ի հայտ են եկել քնի խանգարումներ, իսկ 30%-ի մոտ այդպիսի խնդիրներն առաջացել են 1 տարի անց։

Գիտնականները կարծում են, որ քնի խանգարումներ ունեցող հիվանդների շրջանում 2-րդ անգամ հոսպիտալացվելու հավանականությունը կրկնակի մեծ է։

Հարցեր, պատասխաններ, մեկնաբանություններ