Գիտնականներն ապացուցել են, որ կանայք պետք է տղամարդկանցից ավելի շատ քնեն

ԱՄՆ Դյուքի համալսարանի (Հյուսիսային Կարոլինա նահանգ) գիտնականներն ապացուցել են, որ լավ ինքնազգացողության համար կանանց հարկավոր է տղամարդկանցից ավելի շատ քնել:

Ըստ Medpulse.ru-ի, հետազոտությանը մասնակցել են 210 առողջ, չծխող եւ դեղորայք չընդունող տղամարդիկ եւ կանայք: Մեկ ամսվա ընթացքում գիտնականները գրանցել են գիտափորձի մասնակիցների քնի որակն ու տեւողությունը, ինչպես նաեւ զգացմուքային վիճակը: Քնի պակասը կանանց մոտ արտահայտվել է թշնամությամբ եւ ագրեսիայով: Մասնագետների հաշվարկով, ուժերը վերականգնելու համար կանայք պետք է 20-90 րոպե ավելի քնեն:

Ուսումնասիրության արդյունքում գիտնականները եզրակացրել են, որ քնի պակասը սիրտ-անոթային հիվանդությունների եւ սթրեսի, ինչպես նաեւ շաքարախտի առաջացման պատճառ է դառնում: Նման կախվածությունը կանանց մոտ առավել ուժեղ է նկատվում, քան տղամարդկանց:

Հարցեր, պատասխաններ, մեկնաբանություններ