Տարօրինակ ցավը` գոտկատեղում, համարել են ախտանիշ` վիտամին D-ի պակասի ժամանակ. meddaily.ru

Գոտկային ցավերը հաճախ որևէ լուրջ պատճառ չեն ունենում: Նման դեպքերում բժիշկներն այն անվանում են «ոչ սպեցիֆիկ ցավեր»:
Մասնագետների խոսքով, ցավը, որն առաջանում է ծանրություն բարձրացնելիս, հաճախ անցնում է մի քանի շաբաթվա ընթացքում: Բայց, եթե այն երկար է տևում, ուրեմն նրա հիմքում որևէ այլ պատճառ է: Դրանցից է վիտամին D-ի պակասը:

Վիտամին D-ն օրգանիզմում առաջանում է արևի ճառագայթների ազդեցությամբ, որի դերը ոսկրային համակարգում մեծ է: Այդ պատճառով, զարմանալի չէ, որ հետազոտություններով կապ է հայտնաբերվել նրա անբավարարության և գոտկատեղի քրոնիկ ցավերի միջև, գրում է Express-ը:
Գիտնականները մեկ այլ հետազոտությամբ պարզել են, որ վիտամին D-ի պակասի դեպքում մարդիկ գրեթե 2 անգամ ավելի հաճախ են ունենում ոտքերի, կողոսկրերի կամ հոդերի շրջանում ցավեր, քան արյան մեջ վիտամինի նորմալ քանակ ունեցողները:

Հետազոտողները վստահ են, որ օրգանիզմում վիտամին D-ի մակարդակի ավելացումը կարող է բուժական ազդեցություն ունենալ նման ցավերի դեպքում:

Եթե հնարավոր չէ բավարար քանակի վիտամին D ստանալ արևի ճառագայթներից, ապա վիտամինը ստանալու փոխարինող տարբերակ է յուղոտ ձուկը, կարմիր միսը, լյարդը և սննդային հավելումները:

Հարցեր, պատասխաններ, մեկնաբանություններ