Մտերիմներով շրջապատված մարդիկ ավելի հեշտ են տանում ցավը. գիտնականներ. 1in.am

Շատ մտերիմներ ունեցող մարդիկ կարող են ցավը ավելի հեշտ տանել: Այդպիսի եզրակացության են հանգել Օքսֆորդի համալսարանի գիտնականները: Արդյունքները հրապարակվել են Scientific Reports ամսագրում:

Դա կապված է էնդորֆինի՝ ուրախության և հաճույքի հորմոնի արտադրության հետ, որը բթացնում է ցավը և նպաստում լավ ինքնազգացողությանը: Որքան մեծ է էնդորֆինի ակտիվությունն ուղեղում, այնքան բարձր է զգայունության շեմը: Էնդորֆինն իր ազդեցության ուժով կարող է այնպիսի ցավազրկող լինել, ինչպիսին մորֆինն է՝ ասվում է հետազոտության մեջ:

Գիտնականներ Կատերինա Ջոնսոնը և Ռոբին Դանբարը եզրակացրել են, որ էնդորֆինը ո՛չ միայն օգնում է մարդկանց՝ բարելավելու ֆիզիկական զգացողությունը, այլև ազդում է շփումից ստացած հաճույքի մակարդակի վրա:

Հարցեր, պատասխաններ, մեկնաբանություններ