Բժիշկները սովորել են իմպլանտների միջոցով «անջատել» քրոնիկ ցավը. news.am

Ամերիկացի նեյրոկենսաբանները հայտարարել են, որ կարող են հեռավորության վրա անլար սարքավորումների միջոցով հսկողության տակ պահել ցավը։ Գիտնականների հետազոտությունները հրապարակվել են Nature Biotechnology ամսագրում

Օպտոգենետիկան նյարդային բջիջները դրանց մեմբրանում հատուկ ալիքների՝ օպսինների տեղադրման միջոցով այդ բջիջների աշխատանքը լույսի ազդեցության տալ հետազոտելու միջոց է։ Կենդանի էակի նեյրոնները մոդիֆիկացիայի են ենթարկվում, ինչի արդյունքում բջիջը սկսում է լուսազգայուն սպիտակուց արտադրել։ Դրանից հետո նեյրոնը լուսային ճառագայթման են ենթարկում, եւ այն անցնում է գրգռված վիճակի։

Գիտնականները փոքր իմպլանտներ են ստեղծել, որոնք կարող են լույսը հասցնել կենդանու ցանկացած մասին։ Փորձի ժամանակ իմպլանտները տեղադրել են մոդիֆիկացված նեյրոններով մկների մարմիններում։ Կրծողներին դրել են լաբիրինթում, եւ երբ նրանք հասնում էին որոշ տեղամասի, իմլանտներն ակտիվացնում էին։ Մուկը տհաճ զգացողություններ էր ունենում, որն անհետանում էր լաբիրինթի այդ հատվածից դուրս գալուց հետո. այդ պահին իմպլանտն անջատում էին։ Մկները շատ արագ սովորել են շրջանցել այդ հատվածը, փոխանցում է Gazeta.ru-ն։

Հետազոտության հեղինակները ենթադրում են, որ իրենց հայտնաբերած սարքը հնարավոր կլինի կիրառել մարդուն քրոնիկ ցավերից ազատելու համար, որոնք չեն բուժվում։ Լույսի միջոցով ակտիվացրած նեյտրոնները ցավի ազդանշանը կարգելակեն նախքան ուղեղին  հասնելը։

Հարցեր, պատասխաններ, մեկնաբանություններ