Կանայք և տղամարդիկ ցավն զգում են տարբեր բջիջներով. գիտնականներ. 1in.am

Մկների վրա կատարված փորձարկումները ցույց են տվել, որ ուժեղ և թույլ սեռի ներկայացուցիչները ցավն զգում են նյարդային բջիջների միանգամայն տարբեր խմբերով, ինչը կասկածի տակ է դնում քրոնիկ ցավի դեմ դեղորայք ստեղծելու լաբորատոր բոլոր փորձարկումները: Rosbalt-ի փոխանցմամբ՝ այս մասին հայտարարել են նեյրոֆիզիոլոգները:

Ինչպես հայտարարել է Մոնրեալի համալսարանի ներկայացուցիչ Ջեֆրի Մոգիլը, հետազոտությունները վկայել են, որ տղամարդիկ ու կանայք տարբեր կերպ են ընկալում ցավի զգացումները, և որ կանայք քրոնիկ ցավի նկատմամբ ավելի մեծ հակում ունեն:

Մոգիլն ու իր գործընկերները պարզել են, որ ուժեղ և թույլ սեռի ներկայացուցիչները տարբեր կերպ են ընկալում քրոնիկ ցավը: Օրինակ՝ դա կանանց ու էգ մկներին զրկում է սեռական հարաբերություններ ունենալու ցանկությունից, մինչդեռ տղամարդիկ ու արու մկները չունեն նման խնդիրներ:

Հարցեր, պատասխաններ, մեկնաբանություններ