Հայտնի է դարձել, թե ինչու են շատերին դուր գալիս ցավոտ զգացողությունները

Նորվեգացի գիտնականները կարողացել են գտնել այն հարցի պատասխանը, թե ինչու է մարդկանց որոշակի խմբի ցավը հաճույք պատճառում: Դրանով պարզվել է, թե ինչու է մարդկանց դուր գալիս չիլի պղպեղը կամ սադոմազոխիստական սեքսը: Ուսումնասիրողները ցավ են պատճառել 16 կամավորների և տեսածրել (սկանավորել) են նրանց ուղեղների ակտիվությունը: Կամավորներին բազմաթիվ անգամներ չորս վայրկյանների ընթացքում տարբեր աստիճանի տաքության ազդեցության են ենթարկել: 

Ինչպես և սպասվում էր, ուժեղ տաքությունը բացասական զգացողություններ է առաջացրել փորձի բոլոր մասնակիցների մոտ, իսկ ահա անցավ ազդեցությունը դրական զգացողությունների պատճառ է հանդիսացել: 

Ուսումնասիրության արդյունքները ցույց են տվել, որ երբ մարդն ավելի մեծ ցավի է սպասում, քիչ ցավերը հաճելի զգացողություններ են պատճառում: Ուսումնասիրողները հայտարարում են, որ ցավը կարող է թեթև համարվել, եթե մարդը գիտակցում է, որ ավելի վատ և ավելի սուր կարող էր լինել: Այդ պատճառով էլ ցավը որպես հաճելի փաստ է ընկալվում, որի շնորհիվ հաջողվել է խուսափել ավելի սուր ցավից: 

Հարցեր, պատասխաններ, մեկնաբանություններ