Պարզել են մարիխուանայի ցավազրկող ազդեցության մեխանիզմը

Օքսֆորդի համալսարանի գիտնականները պարզել են մարիխուանայի ցավազրկող ազդեցության մեխանիզմը: Պարզվել է, որ մարիխուանան ազդում է ուղեղի այն հատվածի վրա, որը կապված է ցավին զգացմունքային արձագանքի հետ՝ այդ կերպ ցավը տանելի դարձնելով: Այդ ընթացքում ցավի ինտենսիվությունը չի փոխվում,- հայտնում է Medical Daily-ն: Հետազոտողների աշխատանքի արդյունքները հրապարակվել են Pain ամսագրում:

«Մարիխուանան ազդում է ոչ այնպես, ինչպես սովորական ցավազրկող միջոցները: Որոշ հիվանդների վրա այն ունենում է ուժեղ ազդեցություն, որոշների վրա՝ թույլ»,- պարզաբանել է աշխատանքի ղեկավար Մայքլ Լին:

Բրիտանացի գիտնականների հետազոտության մասնակցել է 12 կամավոր, որոնց բաժանել են 4 խմբի: Ցավի զգացողություն առաջացնելու համար առաջին խմբի մասնակիցների մաշկը կապսաիցին պարունակող քսուկով են պատել, զանգված, որն այրոց է առաջացնում: Որպես ցավազրկող նրանք ընդունել են ուժեղ հոգեբանական ազդեցություն ունեցող հիմնական կանաբիոդիտ պարունակող հաբեր՝ THC:

Երկրորդ խումբը նույնպես որպես ցավազրկող ընդունել է THC, սակայն նրանց մաշկը սովորական քսուկով են պատել: Երրորդ խումբը ստացել է կապսաիցին և պլացեբո THC-ի փոխարեն, չորրոդը՝ սովորական քսուկ և պլացեբո:

«Մասնակիցները պատասխանել են ցավի ինտենսիվության և ցավային զգացողությունների աստիճանի մասին հարցերին. արդյոք սուր էր այրոցը և որքանով դա իրենց անհանգստացրեց: Մենք պարզեցինք, որ ТНС ընդունելու դեպքում միջինում մարդիկ ցավային զգացողությունների փոփոխություններ չեն նկատել, սակայն ցավը նրանց ավելի քիչ է անհանգստացրել»,- նշել է բժիշկ Լին:

Մագնիսառեզոնանսային տոմոգրաֆիայի արդյունքում պարզվել է, որ THC-ով հաբեր ընդունածների մոտ ցածր է եղել ուղեղի՝ ցավին զգացմունքային արձագանքի հետ կապված հատվածի ակտիվությունը:

Հարցեր, պատասխաններ, մեկնաբանություններ