«Կյանք առանց ցավի»… Մարդիկ պետք է պահանջեն իրենց հասանելիք բուժումը

Հասարակական ու միջազգային մի շարք կազմակերպությունների դաշինքը «Ցավի հաղթահարում» ծրագրի շրջանակներում սկսում է իրականացնել «Կյանք առանց ցավի» նախաձեռնությունը, որի նպատակն է բարձրացնել հասարակության իրազեկվածությունը, հանրությանը ներգրավել պալիատիվ խնամքի վերաբերյալ երկխոսության մեջ և մարդկանց տեղեկացնել իրենց իրավունքների մասին: Այս մասին ասուլիսում հայտարարեց «Բաց հասարակության հիմնադրամներ Հայաստանի» գործադիր տնօերն Լարիսա Մինասյանը:

«Կյանք առանց ցավի» նախաձեռնության նպատակն է` մարդկանց հասկացնել, որ իրենք պետք է պահանջեն իրենց հասանելիք բուժումը, որպես իրենց անքակտելի իրավունք»,- ասաց պալիատիվ խնամիք փորձագետ նարինե Մովսիսյանը:

«Կյանք առանց ցավի» նախաձեռնությունը մեկնարկելու է մայիսի 27-ին Կամերային երաժշտության տանը կայանալիք բացման միջոցառումով, որի ընթացքում հյուրերն ու մասնակիցները հնարավորություն կունենան ֆուտոշարքի միջոցով ծանթանալ ու տեղեկություն ստանալ մարդկանց իրական պատմություններին, դիտելու «Ցավի հաղթահարում» ֆիլմը, ունկնդրելու «Հովեր» երգչախմբի ելույթը:

«Կյանք առանց ցավի» տեղեկատվական քարոզարշավին աջակցում են` «Կանանց ռեսուրսների կենտրոն», «Հանրային տեղեկատվություն և գիտելիքի կարիք», «Իրական աշխարհ-իրական մարդիկ», «Բաց հասարակության ինստիտուտ», «Առողջապահական նախաձեռնությունների հայկական կենտրոն» հասարակական կազմակերպությունները:

Համաձայն պալիատիվ խնամք իրականացնելու համար ցավազրկվող դեղերի հասանելիության խնդրի շուրջ Հայաստանում իրականացված կարիքների գնահատման տվյալների` 3600 հիվանդ ամեն օր պալիատիվ խնամքի անհրաժեշտություն ունի, որոնց 75 տոկոսը` ցավը մեղմացնող դեղամիջոցների կարիք ունի: Սակայն ցավամոքիչ մորֆինի սահմանափակ մատչելիության և հաբերով մորֆինի բացակայության պատճառով քրոնիկական և կյանքին վտանգ սպառնացող հիիվանդություններ ունեցողները ստիպված են շատ հաճախ տառապել ցավից: Ցավը մեղմացնող ափիոնային խմբի դեղեր ստանալու հնարավորությունը կարևոր գործոն է որակյալ պալիատիվ խնամքի ծառայություն իրականացնելու համար: Այն կարող է արմատապես փոխել Հայաստանում մահացու հիվանդությամբ տառապող շատ մարդկանց կյանքը, ազատել նրանց ցավից, իսկ հարազատների կյանքը դարձնել ավելի արժանավայել: Այդ նպատակով, ինչպես ասուլիսում հայտատարեց «Բաց հասարակության ինստիտուտ» Նյու Յորքի Պալիատիվ խնամքի միջազգային խորհրդատու Սթիվեն Քոնները, Հայաստանում մշակվում է Պալիատիվ խնամքի հայեցակարգ:

Հարցեր, պատասխաններ, մեկնաբանություններ