Ուսումնասիրողները հասկացել են, թե ինչու է հիպերտոնիան մեծացնում գլակուոմայի սպառնալիքը. 1in.am

Գիտնականները նախկինում ենթադրել են, որ արյան բարձր ճնշումը մեծացնում է գլակուոմայի սպառնալիքը: Սակայն պատճառները հասկանալի չեն: Ենթադրվում է, որ հիպերտոնիան կարող է ազդել ներակնային ճնշման վրա, ինչն էլ գլակուոմայի է հանգեցնում, գրում է Science World Report-ը:

Մելբուրնի և Դիկինի համալսարանների մասնագետները առնետների վրա ուսումնասիրություն են անցկացրել: Նրանք բարձրացրել են կենդանիների արյան ճնշումները մեկ ժամով և չորս շաբաթով: Համեմատել են սուր և քրոնիկական վիճակների ազդեցությունը ներակնային ճնշման բարձրացման վրա:

Ուսումնասիրությունը ցույց է տվել, որ քրոնիկական հիպերտոնիայի ժամանակ աչքն ավելի վատ է պաշտպանված ներակնային ճնշման բարձրացումից: Դատելով ամեն ինչից՝ հիպերտոնիան վնասում է աչքերի արյունատար անոթները: Վնասվածքների պատճառով դրանք չեն կարողանում վերահսկել արյան հոսքը, երբ բարձրանում է ներակնային ճնշումը:

Հարցեր, պատասխաններ, մեկնաբանություններ