Կլինիկական դեպք․ գիգանտ միոմայի բարեհաջող հեռացում. morevmankan.am

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր իր համար վստահելի բժշկական կենտրոն՝ ՄՄԱՊԳՀԿ, և բժիշկ՝ ի դեմս պրոֆեսոր Արմեն Բլբուլյանի։

Կնոջ  համար կարևոր էր պահպանել արգանդը, քանի որ ապագայում երեխա ունենալու փափագ ուներ։ Նման բարդ վիճակներում օրգանապահպան միոմէկտոմիաները պահանջում են հմուտ տեխնիկա, իսկ բժշկության մեջ շատ քիչ է լինում, երբ պետք է 100 տոկոս վստահությամբ միջամտության տեսակի և ելքի ընտրություն կատարել:

Կնոջ մոտ միոմայի չափերը մեծ էին՝ մոտավորապես 20*18 սմ, ինչը համապատասխանում է 4,5 ամսական հղիությանը, այն դեպքում , երբ ոչ հղի արգանդի չափը կազմում է 4-6 սմ:

Այսպիսի մեծ միոմայի վիրահատությունը պահանջում է մեծ հմտություն և փորձ՝ ապահովելու օրգանի պահմանումը և բարդությունների կանխարգելումը։

Վիրահատությունն իրականացվեց միկրոլապարոտոմիկ կտրվածքով, ուռուցքը զգուշությամբ հեռացվեց։ Առանց բարդությունների անցավ նաև հետվիրահատական շրջանը:

Միոման հեռացնելը և արգանդի ամբողջականությունը պահպանելը  շնորհակալ գործ է՝ հատկապես դեռ երեխա չունեցող կնոջ համար:

Մեր բուժառուի համար կյանքը դեռ առջևում է, ուրախ ենք, որ կարողացանք օգնել նրան՝ շարունակել այն լիարժեք առողջ: Ցանկանում ենք նրան երջանիկ օրեր և առողջ բալիկների ծնունդ:

Հարցեր, պատասխաններ, մեկնաբանություններ