8 տարի անպտղությունից հետո առաջնեկի ծնունդ` հսկա միոմայի միաժամանակայա հեռացմամբ` պահպանելով նորից մայրանալու շանսը

Մարտի 20-ին «Քանաքեռ-Զեյթուն ծննդատուն» է ընդունվել 8 տարվա չբերությունից հետո 38 տարեկան առաջնահղի՝ ծննդալուծման նպատակով: Հղիությունն ընթացել  է հսկա միոմայի զուգորդմամբ։

Հաշվի առնելով  կնոջ տարիքը,  8 տարվա չբերությունը և միոմատոզ հանգույցը՝ մարտի 22-ին կինը ծննդալուծվել է կեսարյան հատման ճանապարհով։

Ծնվել է 2650գ քաշով, 48 սմ հասակով հասուն նորածին՝ բավարար վիճակում։

 
Վիրահատության ընթացքում հայտնաբերվել է 21×18×18 սմ չափերով միոմատոզ հանգույց՝ սնուցման խանգարման ախտանիշներով։  Ծննդատան  արհեստավարժ բժիշկների շնորհիվ հաջողվել է  հեռացնել 1200գ  կշռով հանգույցը և պահպանել արգանդը՝  կնոջը երկրորդ անգամ մայրանալու  հնարավորություն ընձեռելով։

Հարցեր, պատասխաններ, մեկնաբանություններ