Կլինիկական դեպք. բարոթերապիայի արդյունավետությունը պարբերական հիվանդության ժամանակ, Հռիփսիմե Փարսադանյան. armeniamedicalcenter.am

Բարոթերապիայի բաժանմունք, թունավորումներով, տարբեր հիվանդություններով տառապող պացիենտներից զատ, դիմում են նաև պարբերական հիվանդությամբ տառապող հիվանդները: Հարկ եմ համարում նշել, որ, ի սկզբանե, հենց այդ հիվանդներն էին դիմում բարոթերապևտիկ ծառայությանը:

Թե այդ հիվանդության ժամանակ ինչպես է ազդում բարոթերապիան, պարզ չէ, նախկինում անգամ այդ ժամանակ հիվանդության գենային ախտաբանությունը հայտնի չէր մեզ և շատ քիչ տեղեկատվություն կար հիվանդության մասին: Սակայն փաստն այն է, որ բարոթերապիան բավականին արդյունավետ է այս հիվանդության ժամանակ:

Ընդհանրապես, պարբերական հիվանդությունն ընդունված է բուժել կոլխիցինով, ինչը չի ապահովում լիարժեք բուժում: Կոլխիցինը ցիտոստատիկ է, կանգնեցնում է միտոզը, բջիջների աճը և ունի իր կողմնակի ազդեցությունը:

Բարոթերապիայի սեանսներից հետո որևէ բացասական ազդեցություն չի փաստվել, իսկ արդյունավետություն, միանշանակ, այո, արձանագրվել է: Բարոթերապիայի կուրսը տարվա ընթացքում կատարվում է երկու անգամ՝ աշնանը և գարնանը, 10-ական սեանսով:
Շատ հիվանդներ բարոթերապիայի շնորհիվ ամբողջ տարվա ընթացքում նոպա չէին ունենում, կամ լինում էին շատ թեթև՝ առանց ջերմության, ցավի, ինչպես ասում են՝ ոտքի վրա:

Ցավոք, ներկայում այս հիվանդության ժամանակ գրեթե չեն դիմում բարոթերապիայի օգնությանը:


Հռիփսիմե Փարսադանյան,
բարոթերապևտ, «Արմենիա» հանրապետական բժշկական կենտրոն

Հարցեր, պատասխաններ, մեկնաբանություններ